Neste episodio de Ames en Dixital falamos con Nieves Iglesias, xestora do Coworking A Proa do Concello de Ames, sobre unha realidade que viven moitas persoas cando deciden poñer en marcha un proxecto: emprender pode ser ilusionante… pero tamén moi solitario.

Ao longo da conversa falamos de como cambiou o panorama do emprendemento, da importancia de ter apoio no inicio, do valor de compartir espazo con outras persoas emprendedoras e de como un lugar como A Proa pode axudar a darlle estrutura, foco e acompañamento a unha idea de negocio. Tamén comentamos os erros máis frecuentes ao empezar, a necesidade de parar a definir ben o proxecto e o papel da comunidade para desbloquear dúbidas, xerar sinerxías e avanzar con máis claridade.

Un episodio moi recomendable para quen estea empezando, teña unha idea ou sinta que precisa apoio para facer medrar o seu proxecto con máis sentido.